Yakıp Aşk Oduna Canı İlahi Sözü
Salât-ı ehl-i kurbun kıblesidir Semme Vechullah,
Niyâzî durma dâim secde-i ebrûyu tevhid et.
Salât-ı ehl-i kurbun kıblesidir Semme Vechullah,
Niyâzî durma dâim secde-i ebrûyu tevhid et.
Yakıp aşk oduna canı meşamın bûy-ı tevhid et,
Kamuya yek nazar birle şuhûdun rûy-i tevhid et,
Şu mahiler gibi kendini deryadan cüdâ sanma.
İhâta eylemiş her yana bak her sûyu tevhid et,
Salınma çâh-ı taklide suud et arş-ı tahkîke,
Sana senden sefer eyle seni sen duy tevhid et.
İzâfâtı bırak gözden açılsın dîde-i Hakbîn,
Temaşa-yı cemâl-i şâhid-i dilcûyi tevhid et,
Salât-ı ehl-i kurbun kıblesidir Semme Vechullah,
Niyâzî durma dâim secde-i ebrûyu tevhid et.