Ey Kudreti Nutfeyi İnsan İlahi Sözü
Cennet virüb Kuddûsîye itme visâlinden ba’îd,
İster cemâline nazar itmek hemân ol dâ’imâ.
Cennet virüb Kuddûsîye itme visâlinden ba’îd,
İster cemâline nazar itmek hemân ol dâ’imâ.
Ey kudretiyle nutfeyi insân iden Kadir Hudâ,
İt rahmetin ile visalin ni’metin in’âm baña.
Lâyık değilem gerçi men ana velâkin bilirem,
Sen Mâlikü’l-mülk pâdişâhsın yok şerîk hergiz saña.
Puta tapan kâfirlere îmân virirsin lutf idüb,
Kulluk iderler sıdk-ile saña gice gündüz şehâ.
Puta tapan kâfirlere îmân virirsin lutf idüb,
Kulluk iderler sıdk-ile saña gice gündüz şehâ.
Cümle ümemden eylediñ efdal habîbin ümmetin,
Hem eylediñ ashabını ümmet içinde râh-nümâ.
Ashâb içinde eylediñ efdal Ebûbekri ki ol,
Peyamberândan sonra oldı efdal-i külli’l-verâ.
Her kime kim itseñ hidâyet olısardır mühtedî,
Kıldın nice fâsıkları ehl-i salâh u evliyâ.
Cennet virüb Kuddûsîye itme visâlinden ba’îd,
İster cemâline nazar itmek hemân ol dâ’imâ.