Bahri İrfandır Dila İlahi Sözü
Bezm-i vahdet sırrının cemiyyetinde cân veren,
Ol olur kişver-i dilde tahtının şâhânesi.
Bezm-i vahdet sırrının cemiyyetinde cân veren,
Ol olur kişver-i dilde tahtının şâhânesi.
Bahr-i irfândır dilâ ehl-i dilin dilhânesi,
Dürr-i şehvârdan doludur anların vîrânesi.
Mey-i mânâ kuvveti erbâb-ı kalbin sohbeti,
Neşreder lübb-i muhabbet mest olur bî-gânesi.
Kenz-i irfândır derûnu derd ile deryâ olan,
Nûr-i tevhîd şem‘inin anlar olur pervânesi.
Kim kemâlât ehline peyrev ola elbet olur,
Zî-seâdet âkıbet merdâneler merdânesi.
Şehperi zer-dûz olur âşıkların vakt-i seher,
Yâr ile hem-dem olanın nûr dolar cânhânesi.
Bezm-i vahdet sırrının cemiyyetinde cân veren,
Ol olur kişver-i dilde tahtının şâhânesi.
Lutfiya bir mîr-i meydân bulmak ister ve’s-selâm,
Âkıl ola bir nazarla âlemin dîvânesi.
Lutfiya bir mîr-i meydân bulmak ister ve’s-selâm,
Âkıl ola bir nazarla âlemin dîvânesi.