İtdi Beni Aşkın Bugün İlahi Sözü
İtdi sıfâtın çün zuhûr Sâmî’ye nûrun alâ nûr,
Mebhût ü müstağrak kılup hayrâneler hayrânesi.
İtdi sıfâtın çün zuhûr Sâmî’ye nûrun alâ nûr,
Mebhût ü müstağrak kılup hayrâneler hayrânesi.
İtdi beni aşkın bugün mestâneler mestânesi,
Yanup nûruna oldum ben pervâneler pervânesi.
Aşkın harâb itdi beni yakdı kebâb itdi teni,
Küntü kenzi buldum olup vîrâneler vîrânesi.
Leylâ idi meftûn iden Mecnûn’u hem mecnûn iden,
Beni aşkullah eyledi dîvâneler dîvânesi.
Leylâ idi meftûn iden Mecnûn’u hem mecnûn iden,
Beni aşkullah eyledi dîvâneler dîvânesi.
Vuslatına cândır bahâ ben edeyim bin cân fedâ,
Cân verene cânân olur cânâneler cânânesi.
Her cânibim Hakk söyledi aşka beni gark eyledi,
Deryâ-yı aşkında buldum dürdâneler dürdânesi.
Zikrinle aşk hâsıl olup deryâsı bî-sâhil olup,
Bu katremi mahv eyledi ummâneler ummânesi.
İtdi sıfâtın çün zuhûr Sâmî’ye nûrun alâ nûr,
Mebhût ü müstağrak kılup hayrâneler hayrânesi.